Autoría: Comunidade de Montes Veciñais den Man Común de Lira
Resumo do proxecto:
Este proxecto ten por obxecto pór en valor a área de descanso situada no Alto de Martiaño, mediante accións de limpeza, roza e plantación de árbores.
Actuacións que se van levar a cabo:
- Roza das pistas e dos indes que dan a volta á contorna da fonte
- Roza da ladeira Norte, onde se poderán apreciar as vistas do lugar e da praia de Carnota, agora tapadas pola maleza.
- Poda das árbores desta cara Norte.
- Retirada da madeira da contorna.
- Plantación de especies autóctonas, coma o carballo e o castiñeiro, para crear nun futuro un espazo con máis sombra e diversidade. A plantación destas especies irá acompañada por unhas medidas de protección contra os animais que pacen pola área da mancomunidade. Unha vez que as árbores teñan a altura suficiente, retiraranse as medidas de protección.
- Colocación dunha liana ou bambán artesán nunha das árbores.
- Colocación dun comedeiro para paxaros.
- Uso dun dos paneis informativos agora sen utilizar para expoñer de forma didáctica o que acontece agora mesmo nos montes de Lira (a presenza de gando, definición do silvopastoreo, especies que pacen pola contorna da fonte de Martiaño e o uso responsable destas zonas de monte veciñal).
Ningún comentario:
Publicar un comentario