Visitas do xurado

O xoves, 5 de marzo, o xurado do II Concurso de Embelecemento de Contornos e Espazos Públicos e Privados visitará os proxectos presentados para valorar as actuacións desenvolvidas.

A rolda de visitas comezará ás 10:00 h na praza de San Gregorio, onde se sitúa o proxecto de acondicionamento dun xardín público presentado por ADISBISMUR.

A continuación, o xurado desprazarase a Lira, para visitar os demais proxectos presentados, na seguinte orde:

• Acondicionamento do contorno da casa reitoral de Lira, presentado pola Asociación Cultural Canle de Lira.
• Recuncho de relax no Barreiro, presentado por Salvatore Parisi.
• Acondicionamento do contorno da fonte de Martiaño, presentado pola Comunidade de Montes Veciñais en Man Común de Lira.